الأخبار |
الولايات المتحدة تسجل أقل من ألف وفاة جراء كورونا خلال 24 ساعة  محمد بن سلمان يختطف أبناء معارضيه لاستفزازهم.. ما القصّة؟  واشنطن بوست: بايدن يتقدم على ترامب بفارق 10 نقاط  بريطانيا تسجل تراجعا ملموسا للوفيات اليومية بفيروس كورونا  لماذا مدد الاتحاد الأوروبي العقوبات على سورية؟  حدائق موسكو تستعد لفتح أبوابها اعتبارا من 1 يونيو  الخدمة السرية المكلفة بحماية البيت الأبيض تطلب من المواطنين تجنب السير في محيطه لضمان سلامتهم  هجوم الأمريكيين على متاجر اللحوم.. إرتفاع أسعار اللحوم في الولايات المتحدة إلى أكثر من 60 في المائة  جريمة بشعة في ريف دمشق.. بسبب متري أرض  جنرالات اسرائيل في حالة تأهب وأمريكا تستبق الصدامات بتحذير رعاياها  ترامب: أعمال الشغب يصنعها "لصوص وفوضويين"  خيبة الطب  الرئيس الأسد يصدر مرسوماً بتمديد جميع المهل القانونية الواردة في تشريعات الضرائب والرسوم النافذة ابتداءً من 22 آذار 2020  محروقات: فتح مراكز خدمة البطاقة الالكترونية في المحافظات الثلاثاء القادم  الاحتياطيات الأجنبية في السعودية تهبط لأدنى مستوى منذ 20 عاماً  إعادة فتح ابواب المسجد الأقصى بعد شهرين من الإغلاق  البرلمان المصري يعلن إصابة جديدة بفيروس كورونا بين أعضائه  البابا فرنسيس في أول عظة من شرفة قصره منذ 3 أشهر: الإنسان أهم من الاقتصاد  قانون قيصر صناعة هوليودية واستغلال أمريكي رخيص.. بقلم: ميشيل كلاغاصي  أصحاب البشرة السوداء؛ اشتعال شرارة الانتفاضة في مستودع مليء بالبارود العنصري الأمريكي     

2010-07-31 17:14:31  |  الأرشيف

طبخة حراء باصبعه

  

   ياأهلين بأحلى جارة , شلون  بعدين ظبطت هالزيارة ؟  

-          خليها لربك ياجارتنا والله ماعم افضى وخايفة يروح هالعمر خسارة  

-          يوه , ليش هيك عم تحكي ؟ شو رأيك .. تنفخيلك مع القهوة سيكارة ؟  

-          لأ دخيلك , الرجال وابنه مجننيني مو ناقصني تتعب صحتي وصير بأمرها محتارة  

-          يالطييف , واضح إنك تعبانة احكيلي شو عامل معك ابن هالختيارة ؟ 

-         شو قصدك الولد ولا .. أبوه ياجارة ؟ 

-          الله يسامحك أكيد قصدي جوزك  , يلي بتهابه كل الحارة  

-          شو بدي احكيلك كل كم يوم بيعمل خناقة مع ابنه مالها طعمة وبيعمل شوال من حبة خيارة  

-          ياسلام , جودي ياجارة واضح أن القهر عم يزيدك شطارة  

-          ببساطة جوزي بدو الولد يطلع أحسن شب بالحارة  

-          هذا حقه الطبيعي , وأنت لازم تفرحي إذا كان بيخاف على ابنه ولا بدك يطير ابنك من ايدك متل الطيارة ؟  

-          المشكلة جوزي ديموقراطي كتير , وبيحب يعطي الولد الحرية بكير ولما ابني أخد حريته وتركه بعمر ال 15 يلعب بالحارة .. بدل مايتعلم المرجلة تعلم سواقة السيارة  

-          بس ليكو يخزي العين شب ماأحلاه خلص جامعة  وأكيد بكرا أبوه بيدبرلو وظيفة دبارة  

-          والله ماخلص الجامعة وحدا يعرف حدا كنت اترجا أبوه يروح عالجامعة يشوف دراسته ويعتبرها زيارة , بس شو بدك تحكي تركوا يشتغل على كيفوا وإذا قصر وغلط منصير سيرة بتم الكبير والصغير وكل شباب الحارة  

-          الله يعينك فعلاً قصتك قهارة .. طيب ليش أنت مابتحكي مع أبوه يعامله كنو أخوه الصغير ويفهمو أمور الحياة وكل خباياها وأسرارا؟ 

-          حكيت كتير وقليل بس مافي فايدة  دقي المي وهي مي لا الزلمة عم يفهمني ولا ابنو عم يتنازل لأبوه , وخايفة بالأخير توقع براسي واكسر الجرة حتى لو كانت فخارة  

-          طولي بالك , كلنا بالهوا سوا , قال قلبي على ولدي وقلب ولدي عالحجر .. وهداك اليوم سمعت الشيخ عو يقول : أعينوا أولادكم على بركم .. أي بر هاد , والله  خايفة يصير قلب ولدي مو بس عالحجر .. على كل الحجارة  

-          الحقيقة الغلط غلطنا بس ماحدا بيعترف الهزيمة , كلنا بدنا نربح مع أن التربية مافيها ربح ولا خسارة  

-          حاجتك فلسفة , وجعتيلي راسي , شو طابخة اليوم ؟  

-          لاتخافي جبتلك الصاروخ معي .. رح اطبخ ( حراء اصبعو ) خدي اقرئي التعليمات من الصاروخ , قصدي الورقة  وإذا مافهمت شي اطبخي مفركة بطاطا  وقطعي جنبها خيارة .. 

المقا دير:
كوب عدس (حَبّ  (
5
بصلات      +    باقتان من الكزبرة الخضراء   +   رأس ثوم مدقوق
1/2
كوب من عصير الحامض
ملعقة صغيرة من دبس الرّمان
1/2
رغيف خبز عربي مقطّع إلى مربّعات   ) أو كوب من المعكرونة العريضة   (
 
كوب وربع الكوب زيت نباتي
ملعقة طعام من الملح
رشة كمّون ورشة بهار

طريقة التحضير :
ـ يُنقّى العدس من الأوساخ ويغسل، ثم يضاف إليه 6 أكواب ماء ويوضع على النار حتى يغلي. تخفف النار ويترك عليها حتى    يغلي مرّة أخرى مدة 20 دقيقة، أو حتى ينضج قليلاً  .
ـ يقطع البصل جوانح رفيعة ويقلى بنصف كوب من الزيت حتى يحمرّ لونه قليلاً  .
تفرم الكزبرة الخضراء ناعماً ثم تغسل وتصفى  .
ـ يدق الثوم ويضاف إلى الكزبرة ويوضع المزيج   في مقلاة على النار ويضاف إليه ربع كوب زيت، ويحرك حتى تذبل الكزبرة، عندها يرفع عن النار  .
ـ يضاف الملح والتوابل إلى العدس   مع نصف كمية الكزبرة المقلية ونصف كمية البصل المقلي مع عصير الحامض ودبس الرمان، ويوضع المزيج على النار ويترك مدة 10 دقائق
ـ يقطع الخبز إلى مربّعات ويقلى بنصف كوب زيت على نار قويّة حتى تحمرّ القطع ( يمكن استبدال الخبز بقطع عجين )
يوضع الخبز في طبق كبير ويصب فوقه خليط   العدس ثم يزيَّن ببقية الكزبرة المقلية والبصل المقلي وبعض الخبز المقلي  .
ـ يقدم العدس ساخناً  .
ملاحظة: يضاف حسب الرغبة ( فول أخضر + سلق مفروم ) ويستحسن أن يكون خليط العدس جامداً قليلاً  .
الكمية تكفي 6 أشخاص
عدد السعرات الحرارية =950
وصحتين وعافية

عدد القراءات : 34922

هل ترغب في التعليق على الموضوع ؟
الاسم الكامل : *
المدينة :
عنوان التعليق : *
التعليق : *
 

 
 
التصويت
كيف يتعاطى الإعلام الأميركي والغربي مع فيروس كورونا؟
 
تصفح مجلة الأزمنة كاملة
عدد القراءات: 3521
العدد: 486
2018-08-06
 
Powered by SyrianMonster Web Service Provider - all rights reserved 2020