الكبة المقلية

ستي الختيارة و .. باب الحارة
 
-        وينك جارتنا ؟
-        أنا هون .. عم افرم لحمة
-        مابشوفك إلا عم تطبخي , طلعي شوي نتسلى , بكير عالطبخ
-        مافيني , بدي لحق باب الحارة , اليوم الحلقة ال75
-        شو؟؟؟ شلون صارت 75 ؟ بعرف المسلسل 30 حلقة
-        يافهيمة 75 يعني الحلقة 15 من الجزء الثالث
-        مظبوط والله ذكرتيني بستي الختيارة , عندها أهم مسلسل باب الحارة , خلصيني اتركي من ايدك وتعالي عندي منتفرج عليه سوا
-        مابقدر بلشت بخلط البرغل
-        ليش شو رح تطبخي ؟
-        كبة مقلية 
-        ياالله  شو بحب هالأكلة
-        ولأنك مابتعرفي تساويها رح اكتبلك المقادير على ورقة وأعملها صاروخ وطيرها لعندك من الشباك , حفظت الدرس
-        والله كأنك قاعدة بقلبي أنا كتير محظوظة فيكي
-        أنا يلي محظوظة يابعدي ( شو هالجارة اللطيفة ) تتحدث مع نفسها وتمسك بقلم وتكتب المقادير
مقادير الكبة المقلية :
-        برغل ناعم كأس عد 3
-        لحمة نصف كيلو  و بقدونس وبصل عدد 2 وسط وصنوبر وبهارات
 ( قرفة وفلفل أسود وملح ) وزيت
طريقة العمل :
انقعي البرغل في الماء مدة نصف ساعة ثم قومي بتصفيته
ضعي البرغل ونصف كمية اللحم المفروم والبقدونس وبصلة صغيرة  والبهارات والملح في الخلاط الكهربائي , واخلطيهم جميعاً
تحضير الحشوة :
اقلي البصل حتى يصفر لونه وضعي فوقه اللحم والبقدونس والصنوبر والبهارات والملح واتركيه على النار حتى ينضج
قومي بعمل أقراص الكبة واحشيها ثم قومي بقليها حتى يحمر لونها
قدميها ساخنة مع الشوربات والسلطات واللبن .... وصحتين وعافية

 


Copyright © alazmenah.com - All rights reserved 2018