الأخبار |
"داعش" الإرهابي يحاول إنشاء مركز دعم جديد له في آسيا الوسطى  الأمم المتحدة تحذر من حدوث مجاعة في اليمن  بيسكوف: إرسال "إس-300" ليس موجه ضد أطراف ثالثة  ماي تنّصب نفسها محامية ضد شيطان الأسلحة الكيميائية وتدعو لمحاسبة روسيا وسورية  موسكو: نشر الدرع الصاروخية في رومانيا وبولندا يهدد معاهدة الصواريخ متوسطة وقصيرة المدى  ولايتي:اعتداء الأهواز دليل على فشل سياسات أميركا وحلفائها  مقتل عسكري لبناني في اشتباك مع مسلحين في الهرمل  الجيش يسيطر على مناطق واسعة وحاكمة في عمق الجروف الصخرية بتلول الصفا في بادية السويداء  وصول أولى مجموعات وسائل الحرب الإلكترونية إلى قاعدة حميميم  إسرائيل: الجيش سيواصل التصدي لإيران في سورية  ريال مدريد ينضم إلى صراع التعاقد مع فقير  عودة دفعة جديدة من أهالي أرياف حلب وإدلب وحماة عبر ممر أبو الضهور إلى قراهم المطهرة من الإرهاب  ميركل: أوروبا لا تفهم موقف لندن من تعاونها مع بروكسل بعد "بريكست"  من منبر الجمعية العامة.. ترامب يناشد زعماء العالم عزل إيران ويتوعدها بعقوبات جديدة  نتنياهو ورئيس "الموساد" في الولايات المتحدة لبحث الأزمة مع روسيا  العراق.. مسلحون يغتالون ناشطة حقوقية وسط البصرة في وضح النهار  منظومة "باستيون" الصاروخية تشارك في مناورات القطب الشمالي للمرة الأولى  خفايا قاعدة التنف .. ماحقيقة الانسحاب الاميركي منها؟!  "العمال البريطاني" يناقش اقتراحا بشأن تصويت ثان حول الخروج من الاتحاد الأوروبي  العالم ينتظم     

2010-07-31 17:14:31  |  الأرشيف

طبخة حراء باصبعه

  

   ياأهلين بأحلى جارة , شلون  بعدين ظبطت هالزيارة ؟  

-          خليها لربك ياجارتنا والله ماعم افضى وخايفة يروح هالعمر خسارة  

-          يوه , ليش هيك عم تحكي ؟ شو رأيك .. تنفخيلك مع القهوة سيكارة ؟  

-          لأ دخيلك , الرجال وابنه مجننيني مو ناقصني تتعب صحتي وصير بأمرها محتارة  

-          يالطييف , واضح إنك تعبانة احكيلي شو عامل معك ابن هالختيارة ؟ 

-         شو قصدك الولد ولا .. أبوه ياجارة ؟ 

-          الله يسامحك أكيد قصدي جوزك  , يلي بتهابه كل الحارة  

-          شو بدي احكيلك كل كم يوم بيعمل خناقة مع ابنه مالها طعمة وبيعمل شوال من حبة خيارة  

-          ياسلام , جودي ياجارة واضح أن القهر عم يزيدك شطارة  

-          ببساطة جوزي بدو الولد يطلع أحسن شب بالحارة  

-          هذا حقه الطبيعي , وأنت لازم تفرحي إذا كان بيخاف على ابنه ولا بدك يطير ابنك من ايدك متل الطيارة ؟  

-          المشكلة جوزي ديموقراطي كتير , وبيحب يعطي الولد الحرية بكير ولما ابني أخد حريته وتركه بعمر ال 15 يلعب بالحارة .. بدل مايتعلم المرجلة تعلم سواقة السيارة  

-          بس ليكو يخزي العين شب ماأحلاه خلص جامعة  وأكيد بكرا أبوه بيدبرلو وظيفة دبارة  

-          والله ماخلص الجامعة وحدا يعرف حدا كنت اترجا أبوه يروح عالجامعة يشوف دراسته ويعتبرها زيارة , بس شو بدك تحكي تركوا يشتغل على كيفوا وإذا قصر وغلط منصير سيرة بتم الكبير والصغير وكل شباب الحارة  

-          الله يعينك فعلاً قصتك قهارة .. طيب ليش أنت مابتحكي مع أبوه يعامله كنو أخوه الصغير ويفهمو أمور الحياة وكل خباياها وأسرارا؟ 

-          حكيت كتير وقليل بس مافي فايدة  دقي المي وهي مي لا الزلمة عم يفهمني ولا ابنو عم يتنازل لأبوه , وخايفة بالأخير توقع براسي واكسر الجرة حتى لو كانت فخارة  

-          طولي بالك , كلنا بالهوا سوا , قال قلبي على ولدي وقلب ولدي عالحجر .. وهداك اليوم سمعت الشيخ عو يقول : أعينوا أولادكم على بركم .. أي بر هاد , والله  خايفة يصير قلب ولدي مو بس عالحجر .. على كل الحجارة  

-          الحقيقة الغلط غلطنا بس ماحدا بيعترف الهزيمة , كلنا بدنا نربح مع أن التربية مافيها ربح ولا خسارة  

-          حاجتك فلسفة , وجعتيلي راسي , شو طابخة اليوم ؟  

-          لاتخافي جبتلك الصاروخ معي .. رح اطبخ ( حراء اصبعو ) خدي اقرئي التعليمات من الصاروخ , قصدي الورقة  وإذا مافهمت شي اطبخي مفركة بطاطا  وقطعي جنبها خيارة .. 

المقا دير:
كوب عدس (حَبّ  (
5
بصلات      +    باقتان من الكزبرة الخضراء   +   رأس ثوم مدقوق
1/2
كوب من عصير الحامض
ملعقة صغيرة من دبس الرّمان
1/2
رغيف خبز عربي مقطّع إلى مربّعات   ) أو كوب من المعكرونة العريضة   (
 
كوب وربع الكوب زيت نباتي
ملعقة طعام من الملح
رشة كمّون ورشة بهار

طريقة التحضير :
ـ يُنقّى العدس من الأوساخ ويغسل، ثم يضاف إليه 6 أكواب ماء ويوضع على النار حتى يغلي. تخفف النار ويترك عليها حتى    يغلي مرّة أخرى مدة 20 دقيقة، أو حتى ينضج قليلاً  .
ـ يقطع البصل جوانح رفيعة ويقلى بنصف كوب من الزيت حتى يحمرّ لونه قليلاً  .
تفرم الكزبرة الخضراء ناعماً ثم تغسل وتصفى  .
ـ يدق الثوم ويضاف إلى الكزبرة ويوضع المزيج   في مقلاة على النار ويضاف إليه ربع كوب زيت، ويحرك حتى تذبل الكزبرة، عندها يرفع عن النار  .
ـ يضاف الملح والتوابل إلى العدس   مع نصف كمية الكزبرة المقلية ونصف كمية البصل المقلي مع عصير الحامض ودبس الرمان، ويوضع المزيج على النار ويترك مدة 10 دقائق
ـ يقطع الخبز إلى مربّعات ويقلى بنصف كوب زيت على نار قويّة حتى تحمرّ القطع ( يمكن استبدال الخبز بقطع عجين )
يوضع الخبز في طبق كبير ويصب فوقه خليط   العدس ثم يزيَّن ببقية الكزبرة المقلية والبصل المقلي وبعض الخبز المقلي  .
ـ يقدم العدس ساخناً  .
ملاحظة: يضاف حسب الرغبة ( فول أخضر + سلق مفروم ) ويستحسن أن يكون خليط العدس جامداً قليلاً  .
الكمية تكفي 6 أشخاص
عدد السعرات الحرارية =950
وصحتين وعافية

عدد القراءات : 24766

هل ترغب في التعليق على الموضوع ؟
الاسم الكامل : *
المدينة :
عنوان التعليق : *
التعليق : *

اكتب الرقم : *
 

 
 
التصويت
هل تنهي سيطرة الجيش السوري على إدلب الحرب على سورية؟
 
تصفح مجلة الأزمنة كاملة
عدد القراءات: 3325
العدد: 486
2018-08-06
 
Powered by SyrianMonster Web Service Provider - all rights reserved 2018